اشتياقي الى حبيبة عمري

بسم الله الرحمن الرحيم

ذكرت الغالية وحسيت كلبي شتاك ............ وعلة غفلة شعرت خنكتني العبرة

واحس كلبي نعصر والنفس بي مخنوك ............ سالتة شنو اسباب هل العسرة

سمعت بوسط روحي يصيح صوت الروح .......... بلسانة الدمع واللوعة والحسرة

يكلي الغالية المحبوبة صاحت اااااه .............. تعبانة اظنها واحس متكدرة

والاه الي صاحتهة تهد جبال ............. وشبت بكلبي نار مستعرة

تعبانة وحزينة وجمرة الياويل ............. وسط حشاهة تسعر صارت الجمرة

وانة بعيد عنهة وماكو يمهة نسان ............. يريحهة ويظمها بلهفة لصدرة

وياويلي البعد يكويني صار بنار ............ ورغم طول الدروب اشعرها متحيرة

اشعر بيها لحظة ما تصيح الاه .............. لان رأسن احس دلالي يتذرة

اشعر بيهة لمن تجذب الحسرات .............. وحسرتها بدليلي نار متوجرة

ولو حالتهة تغيرت من الاحزان .............. الكة احوالي كلهة تصير متغيرة

ولو دمعة حزن غوركت وسط العين ............. اشوف دموعي مو عيوني متفجرة

ولو حسبت مرة وسرحت بصفنات ................ بعيوني تتيه وتسرح النظرة

ولو اي حالة تشعر بيهة اي احساس ............. اشعر انة بيهة وانة بيهة ادرة

لان فد روح احنة وصارت بجسمين .............. وكل احساس احنة ثنين نشعرة

ومثل ما انة هسة من البعد مهموم ............... اعرف بيهة اني من البعد متأثرة

لجن رغم البعاد وطول الدروب .............. تبقة ارواحنة بالاشوك متعمرة

ومثل ما منتظر شوفتها على الجمرات ................. اكيد لشوفتي على الجمرات منتظرة

مع تحياتي اليكم يا اجمل منتدى واحلا عالم .... وتحياتي الخاصة الى اجمل واحلا واغلة واعز اخت الية بالدنيا مديرة قسم الشعر والخواطر الفارسةاوسكار ...... !!* BL@cK HAWK *!!......... حمودي ؟........ وشكرا وانشاء الله عن قريب انزللكم الاشعار الباقية الي عندي وتدللون

شكرا عيوني انتي فارسة اوسكار على ردج الرائع الجميل شكرا يا غالية وانشاء الله اجيبلكم الاشعار الباقية وتدللين انتي واعضاء المنتدى شكرا على ردج

شكرا مستر بلاك على الموضوع الجميل

مرسى